Goizean goiz puska biltzeko esnatu dira 50 amasar inguru. Amasa kafetegian elkartu dira 06:00etan, eta gosaria egin ostean, trikitilarien laguntzaz etxez etxe eta baserriz baserri ibili dira puska biltzen. Bi taldetan banatu dira; batzuk, herriko goiko partean ibili dira, eta behekoan besteak. Etxafuegorik ere ez da falta izan.
Ohiturei jarraituz, goizeko bueltaren ondoren, Uxo-Toki elkartean elkartuko dira bazkaltzeko eta 17:00etan soka dantza eta aurreskua eskainiko dituzte plazan. Ondoren, erromeria izango da trikitilariekin. Gauean ere jarraituko du festak: afaria egingo dute Iturri-Goxo jatetxean.