Aizkardi mendi elkarteak 9 kilometroko luzera duen eta 4 ordutan egin beharko den mendi ibilbidean zehar atera beharko dira argazkiak. Aizkardiko aretotik abiatuko dira, azaroaren 17an, 09:00etan.
Izen ematea doakoa izango da eta egunean bertan egin beharko da irteera puntuan. Argazki onenaren saria eramaten duenak 150 euro eramango ditu, 100 euro bigarrenak eta 75 euro hirugarrenak. Haurren kategorian, 12 urtetik beherakoek ateratako bi argazki onenen egileentzat mendi-materiala oparituko dute. Publikoak hautaturiko argazki onenari sari bat emango zaio, eta bi lagunentzako afaria izango da opari Iturrigoxo jatetxean.
Aurkeztutako argazki guztiak azaroaren 25etik 29ra Gurea zinema aretoko sarreran erakutsiko dira, Aizkardik antolatutako XXXVI. Mendi Astearen barruan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
