Arroako egoitzan, 16:00etan egin dute aurkezpen ekitaldia eta ondoren Nigeriako dantzak eta jatorriz Nikaraguakoak diren gurasoen hitzaldia izan dira. Zarakatun batukada feministak alaituta, ondoren, Errebote plazaraino kalejira abiatu da.
Kulturanitzak gara lelopean egin dute kalejira eta era guztietako aldarriak entzun dira bidean. Segidan, haurrentzako jolasak, tailerrak eta tea dastatzeko aukera izan da, Kolore Guztiak elkartearen eskutik. Txokolatadarekin amaitu dute ekitaldia.