Eskualdeko ordezkari bakarrak parte hartu zuen Euskal Herriko Dantza Suelto Txapelketan. Ane Urruzola billabonatarrak Iker Sanzekin osatu zuen bikotea. Laugarren amaitu zuten, 68 punturekin. Txapeldunek 72,5ekin irabazi zuten txapelketa horren 43. edizioa. Bigarren postuan Larraitz Larrañaga eta Amets Amubieta azpeitiarrak geratu ziren, Laura Bastida eta Ekian Uzkudunen aurretik. Hauek ere azpeitiarrak. Guztira 14 bikotek hartu zuten parte txapelketan.
43. Euskal Herriko Dantza Suelto Txapelketa jokatu zen larunbatean Seguran. Saioa Galarraga eta Julen Murgiondo bergararrak izan ziren txapeldunak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!