Adineko pertsonen nazioarteko eguna da gaurkoa. Amasa-Villabonako Udalak herrian 100 urte bete dituzten herritarrak omendu nahi izan ditu.
Muga-mugan dago Juana Arregi Zalakain, urriaren 12an egingo baititu 100 urte –goiko argazkian, familiarekin eta udal ordezkariekin–.
Beatriz Unzue alkateak eta Arantxa Lopez gizarte zerbitzuetako zinegotziak, maiatzaren 14an 100 urte bete zituen Dolores Mateos Iglesias eta abenduaren 24an 104 urte beteko dituen Maria Jesus Lopez Egiluz ere bisitatu dituzte gaur, euren etxeetan (beheko argazkian).
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!