IV. Behar Zana Udazken Bola Txapelketaren bikote txapelduna ezagutuko da bihar

Iazko txapelketaren une bat.

Villabonako bolatokian jokatuko dira, 08:30etik hasita, final-laurdenak, finalerdiak eta finala.

Aurreko asteburuan jokatu ziren kanporaketak eta biharko jardunaldirako zortzi bikote sailkatu ziren. Lehen final-laurdena Martzelino Ugalde-Egoitz Berasategi eta Aitziber Ugalde-Bea Unzue bikoteen artean jokatuko da. Bigarrengoan, Xabier Lasa-Unai Lasa eta Benito Loitegi-Martin Lizeaga izango dira aurkariak. Hirugarrengoan Iosu Lazkano-Mikel Lazkano eta Pedro Lazkano-Xabier Lazkano ariko dira lehian. Laugarren final-laurdenean Sergio Aristi-Jesus Atorrasagasti eta Jesus Morales-Txema Fernandez izango dira aurkariak.
 
Finalerdiak 10:50ean hasiko direla aurreikusten dute antolatzaileek, eta finala 12:10ean hasiko dela.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!