Udal ordezkariak, kirol eragileetako kideak eta herritarrak izan ditu ondoan gaur arratsaldean Iraitz Arrospidek Errebote plazan. Omenaldi beroa jaso du 50 kilometrotan munduko txapeldunak. Oihana Iguaranen bertsoak, bere lehengusuen dantzak eta Beatriz Unzue alkatearen hitzen ondoren Arrospide bera jarri da mikrofonoaren aurrean, esker oneko hitzez bere herriarekiko eta herritarrekiko lotura azalduz. Lagunak izan ditu gogoan, eta Olinpiar Jokoez ere hitz egin du, oinak lurrean izan behar direla gogoratzeko.
Haurren lasterketarekin hasi da Villabonan Iraitz Arrospideri egin dioten omenaldia. Munduko txapelduna izan da itzuli erdian lasterketa aurretik joan dena korrika. Ondoren, zozketak eta oholtzako ekitaldiak osatu dute billabonatarren festa.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!