Orain arte maratoia izan da Iraitz Arrospidek korrika lehiatutako distantziarik luzeena, baina datorren igandeak erronka berri bat dakarkio billabonatarrari: 50 kilometroko munduko txapelketan aritzeko hautatu zuen Espainiako selekzioak. Brasoven (Errumania) izango du hitzordua, 07:00etatik aurrera, eta Facebook bidez zuzenean jarraitu ahal izango da proba, Brasov 50 KM orrialdetik.
Arrospidek zenbait elkarrizketatan eta sare sozialean azaldu duenez, marka zehatz bat egitera baino gehiago, ahalik eta postu onena lortzera joango da, eta azken asteotan gogor prestatu da horretarako, karga handiko entrenamenduak eginez.
Billabonatarrak iazko udan egin zuen debuta Espainiako selekzioarekin, Berlingo maratoian eta, kasu honetan distantzia luzeagoan ariko bada ere, korrikalariaren datozen hilabeteetarako helburuen artean dira, Valentziako maratoia eta Behobia-Donostia lasterketa.