Erika Amundarainek garaikurrak pilatzen jarraitzen du, itsas zeharkaldietan. 3.000 metroko saioa egin behar izan zuen, atzo, Zumaiako Taosa igeriketa taldeak antolatutako proban, eta billabonatarrak bigarren postua lortu zuen emakumeen kategorian, 00:41:02ko denborarekin. Podiuma osatuz, Nerea Murua izan zen txapelduna, lanak 00:39:26an amaituta, eta hirugarren postua Nerea Santosentzat izan zen, Erika Amundarain baino 15 segundo gehiago behar izanda.
Guztira, 262 igerilarik amaitu zuten zeharkaldia, eta Tolosaldeko hainbat igerilari aritu ziren proban, Amundarainekin batera. Hona hemen haien postua, sailkapen absolutuan:
13. Ioseba Mateos (Ibarra) 00:38:12
26/2. Erika Amundarain (Villabona) 00:41:02
36. Ion Artutxa (Tolosa) 00:41:22
50. Kepa Jauregi (Tolosa) 00:42:36
76. Amaia Loidi (Anoeta) 00:45:06
92. Xabier Jauregi (Tolosa) 00:45:29
140. Angel Tena (Tolosa) 00:48:37
228. Xabier Balda (Tolosa) 00:58:28