Santio jaietako egitarauaren barruan, kirolak ere badu bere tartea, eta atzo hitzordu garrantzitsua izan zuten pilotazaleek: Santio txapelketako finalak jokatu zituzten.
Palaz Etxanizek eta Gonzalezek 22-20 irabazi zieten Emeren eta Ireneri. Gomazko paletarekin, berriz, Luisak eta Ayerzak osatutako bikotea gailendu zitzaion, 30 eta 19, Otañok eta Loitegik osatutako bikoteari. Azkenik, eskuz binaka, nagusien mailan, Adonisek eta Arangurenek eskuratu zuten txapela, Behar Zana taldeko Urbieta eta Esnaolari 22-11 irabazita.
Aipatzekoa da, Adonis eta Arangurenek txartela eskuratu dutela, VIII. Antton Pebet memorialean parte hartzeko; Gabonen bueltan jokatuko dute elite mailako txapelketa. Eskuzko finaleko jokalari onenaren errekonozimendua, berriz, Arangurenek jaso zuen.