Azken urteetako ohiturari jarraituz, uztailak 12an hasi eta 24ra bitartean, Billabona FKEko Udako Futbol Kanpusean parte hartzen ari dira 2007tik 2011ra bitartean jaiotako Aiztondo bailara eta inguruko neska-mutilak.
Bertan, futbolari lotutako ekintzez gain, beste kirol, jolas eta irteeren bitartez, kooperazio, adiskidetasun eta berdintasuna bezalako baloreak lantzen ari dira, euskara oinarri dela.
Klubak eskerrak eman nahi dizkie partaide diren txiki eta familiei, eta nola ez, arduradun diren begiraleei.