«Badakizu aukerak izan ditzakezun aurreko postuetan egoteko, baina ez duzu inoiz espero irabaztea», esan du Amundarainek. 29.19ko denbora egin zuen billabonatarrak.
Antolatzaileek murriztu egin zuten zeharkaldiaren distantzia, 3.000 metrotik 2.300 metrotan utziz. «Niretzako beraz okerrago da motzagoa izatea, ni berez mila metrotik aurrera erosoago sentitzen naizelako», esan du billabonatarrak. Proba hasterakoan indarra zuela ikusi zuen eta indartsu ekin zion. Bakarrik geratu zen eta proba guztia horrela egin zuen. «Niri, berez, taldean joatea gustatzen zait, baina esperientzia berri bat izan zen, eta oso gustura lortutako emaitzarekin».
Denboraldiarekin «pozik» dagoela dio Amundarainek, Kantabrian bigarren, Mundakan hirugarren etaâGetxon lehen postua lortu eta gero. Asteburu honetan Lekeitioko itsas zeharkaldian parte hartuko du.