Larunbatean, Bermeo eta Mundaka artean VI. MDK Swin itsas lasterketa jokatu zen. 2.500 metroko distantzia egin behar zuten igerilariek. Hasiera batean 474ek eman baldin bazuten izena, egunean bertan 385 parte hartzaile sartu ziren itsasora. Horien artean zegoen Erika Amundarain billabonatarra.
Itsasoa 18 gradutan zegoen, eta baldintza horiekin lasterketa bikaina atera zen, izan ere, gizonezkoetan eta emakumeetan errekorrak puskatu ziren. Emakumeetan Andrea De La Hera izan zen nagusi, 29 minutu eta 44 segundoko denborarekin. Bigarren Irene Garay lehorreratu zen, 6 minutu eta 4 segundora. Erika Amundarainek bigarren postua segundo bakarrera izan zuen, baina atzetik, Eguzkiñe Otegi ere segundo bakarrera sartu zitzaion.