Buruhandi berriak Amasa-Villabonan

Santio jaietan aterako dira kalera lehen aldiz.

Azken ukitu txikien faltan, Amasa-Villabonako buruhandi berriak amaituta daude jada. Herritarren botoarengatik aukeratutako pertsonaiak izan dira eta aurreko erraldoi eta buruhandiak sortu zituen Hermanos Garate enpresa iruindarrak burutu ditu oraingo honetan ere.

Irudi berri hauek Amasa zein Villabonako ondare sinbolikoa islatzen dute: alde batetik, Amasari lotutakoak, ‘oilaskoaren’ pertsonaia (Amasako ‘Oilasko joko’ festa tradizionalaren omenez) zein Martina Sorginaren pertsonaia.

Bestalde, Villabonari erreferentzia egiten dietenak, ‘pilota’, heldua den gizon baten pertsonaiak irudikatzen duelarik (kirol modalitate honen antzinakotasunari erreferentzia eginez) eta ‘Zezena’  udalerrian sokamuturrak duen garrantzia islatzen duena.

Pertsonaia guzti hauek datozen Santio jaietan aurkeztuko dira.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!