Amasa-Villabonako Udalarentzat «gozamena» izan da jokalari hauek herrian izatea. Realak Arratzaingo futbol zelaian egindako topaketan zehar, Realeko zuzendaritzak oroimen bat eskaini dio udalari, futbol taldearen armarria daraman irudia hartu du udalaren izenean Maite Izagirre alkateak. Berdina egin du udalak Realarekin eta herri guztiaren izenean, koadro batan Iñigo Aristegiren eskultura eman dio alkateak Asier Illarramendi kapitainari.
Billabona FKE taldeko ordezkariak beren zelaian jaso dute Reala. Mikel Elizegik taldearen banderina eman die txuri-urdinei eta hauek taldekide guztiek sinatutako kamiseta utzi dute Arratzainen.
Herriko hezkuntza zentro desberdinetako ikasleak bertaratu dira lehen mailako gizonezkoen taldeak Amasan egindako entrenamendua ikustera eta beraien jokalariak ikusi eta entrenamenduaz gozatzeko aukera izan dute. Amaieran argazkia ateratzeko eta autografoa eskatzeko aukera ere izan dute gaztetxoenek.
Amasa eta Villabona batu zireneko 400.urteurrenaren harira, Arratzaingo futbol zelaian entrenatu du Realeko gizonezkoen lehen taldeak..