Erreboteko plazako obrek aurrera jarraitzen dute "erritmo onean" doazela aipatu du udal gobernuak. Lanen garapena bereziki nabarmena da gaualdean.
Pilotalekuko eta udaletxeko pintaketa lanak amaitu ostean, argiztapen berriak "itxura berritua" ematen dio plazari, "estetikoki nabarmen hobetuz eta lekuaren elegantzia balioan jarriz". Udal gobernuak ohar batean adierazi duenez, "ez dezagun ahaztu Erreboteko plaza gure herriaren irudi sinbolikoa dela eta eragileak batzen diren gune kultural, kirol, ekonomiko eta politikoa".
Aste gutxitan lanak erabat amaituko direla jakinarazi du udalak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
