Partida hauetako batzuk larrialdi egoeran dauden pertsonak artatzeko (indarkeria jasandako emakumeak, arriskuan dauden adin txikikoak, hondamendien biktimak...) berritua izan den Oriamendi 6 gizarte zerbitzuetako etxebizitzara zuzendu da; baita, segurtasun handiagoa bermatzeko egin diren sokamuturreko itxitura berriei (6.579 euro) eta hilerrian kolunbarioak edo erraustutakoen urnak gordetzeko eraikitako guneari egiten diete erreferentzia (3.052 euro). Ekimen berritzaile honekin, herritarren eskaerei erantzungo zaie geroz eta gehiago baitira errausteko erabakia hartzen dutenak.
Kirolari dagokionez, kredituen aldaketa, Olaederra kiroldegiko itogin arazoak eta pitzadurak konpontzeko (16.613 euro) eta Amasako frontoiko lanak amaitzeko (23.444 euro) bideratuko dira. Kiroldegiari dagokionez, baita ere aipatu, gobernu taldea aurrekontu baten zain dagoela kirol anitzeko jokalekuko teilatu zatia konpontzeko.
Eta azkenik, partidarik garrantzitsuena, Errebote plazako birmoldaketa lanetarako (jada bere azken fasean dagoena) eta bizilagun batzuen eskakizunari erantzuna emateko asmoz, udaletxeko atzeko horma pintatzeko bideratutakoak izango dira.