1.408 mendizalek Villabona inguruko mendiez gozatu dute, gaur goizean zehar 51. Aizkardiko ibilaldia izan baita. 418 parte hartzailek 44 km-ko ibilbide luzea egin dute. Honek 10 ordu inguruko iraupena izan du eta 2.500 m-ko desnibela. Beste 990 mendizalek 25 km-ko ibilbide laburra egitea hautatu dute. Honek 6 ordu inguruko iraupena izan du eta 1.200 m-ko desnibela.
Aizkardi Mendizale Elkarteak antolatutako bi probak Villabonan hasi nahiz amaitu dira, eta bertan eman diete ibilbidea egin izanaren ziurtagiria ere. Gainera, indarrak berreskuratzeko hamaiketakoa ere han zuten zain.