Maiz 40-10 nagusitu da Hualderen aurka. Pilotari billabonatarrak hirugarren mailan hasi zuen denboraldia eta lehen mailara igotzeko txartela lortu du.
Bestalde, Behar Zanako Iñaki Lizaso eta Jon Urbieta bikoteak berriz 22-21 galdu zuen Udaberri Txapelketako lehen mailako finala. Partida osoan erakustaldia eman zutela azaldu dute elkartetik: «Lizasok aurrean erraz amaitu zituen tantoak eta Urbietak defentsan zein erasoan ikusgarri jokatu zuen. Partida erditik aurrera, nekearen ondorioz, pilota batzuk galdu zituzten eta 20-16 eta 21-20 aurretik joan ziren arren galdu egin zuten».
Matxinandiarena-Elizegi Tartaloetxeko bikoteak defentsako lana egin zuen, eta partida osoan pilotarik galdu ez zutenez irabazi zuten.