1936an, Lezo Urreztieta gerra zibilean ehunka pertsonen bizitza salbatu eta Gipuzkoa eta Bizkaiaren azken kokalekuetako zortzi hilabeteetako defentsarako ezinbestekoak izan ziren 7.000 armen bidalketaren arduradun izan zen indar faxistak gaindituz.
Frantzian egin zuen erbestealdian, ez zion utzi Franco diktadorea hiltzeko plan desberdinak prestatzeari eta Mexikon igaro zituen urteetan Euzkadi independente berria osatuko zuten milaka eta milaka euskaldun Guadalupeko irlan batzeko proiektu bat garatu zuen.
Euskal lurraldearekiko herrimina zuen jarraitzaile sutsua izanik, 1976ko Eibarko ELA-STV sindikatuaren Kongresuan parte hartu zuen ordezkari moduan handik 5 urtetara Baionan (Lapurdi) zendu zelarik.
Lezo Urreztieta, denbora pasa ahala, ahazten joan den gerra zibileko pertsonaia gakoetako bat da. Donostiako azken Zinemaldian aurkeztu zen Josu Martinezek zuzendutako dokumentalak bere bizitzako momentu triste eta gogorrak jorratzen ditu.
Gure historia garaikidea lantzen duen dokumental honen hitzordua datorren martxoaren 26an, asteartea, arratsaldeko 20:00etan, Gurea Zinean izango da.