Hasiera batean 120 pilotari espero zituzten, baina neska-mutilen izen emateak ez du etenik izan azken egunera bitarte, eta ia 200 aritu dira pilota Bearzana pilotalekuan. Kanpoan, Gudari Plazan, txakolin eta sagardo dastaketa zeuden, eta eguerditik aurrera berdela parrilan, getariarren eskutik.
Pilota topaketan Behar Zanakoez gain, Tolosa CF, Zizurkilgo Ziotza, Andoaingo Gazteleku eta Iparraldeko Hardoytarrak taldeetatik etorritako gaztetxoak aritu dira jolasean. Horiez gain, Zizurkilgo Pedro Mari Otaño, Asteasuko Pello Errota eta Villabonako Zubimusu ikastolako eta Fleming herri eskolako haurrek ere izan dute pilotan aritzeko aukera.