Amasa eta Villabona batu zireneko 400. urteurreneko ospakizunaren harira programatutako ekitaldiak hasi dira. Hemendik aurrera, Amasa eta Villabonako historia errepasatuko duten hitzaldiak izango dira, Burdin Arotik hasi eta Aro Modernora arte.
Dagoeneko, Jokin Lanz irakasleak Burdin Aroko herrixka gotortuetatik Antzinate Berantiarrera izeneko hitzaldia eman zuen martxoaren 5ean eta Iosu Etxezarragak, berriz, aurreko ostegunean, Amasa eta Villabonaren historia aztertu zuen, Erdi Aroan zehar.
Martxoak 21, gaur
19:00. Toti Martinez de Lezea arituko da gaztelaniaz eta Pasado femenino de nuestro pueblo hitzaldia emango du.
Martxoak 28, osteguna
19:00. Amasa-Villabona Aro Berrian ze har: Batasun akordiotik Konbentzio gerrara arte hitzaldia emango du euskaraz, Alvaro Aragonek Subijana etxeko areto nagusian.
Apirilak 4, osteguna
19:00. Gaztelaniaz Joseba Alonsok hitzaldia eskainiko du Subijana etxean: Mugarris municipales de Amasa-Villabona izenburua eramango du saioak.
Argazki lehiaketa martxan
Betalde, Atzoko eta gaurko Amasa-Villabona argazki lehiaketarako proposamenak aurkezteko epea zabaldu dute. Martxoaren 22ra bitartean, argazki-lehiaketa@villabona.eus helbidera bidali ahal izango dira. Parte hartzaile bakoitzak, gehienez bost argazki atxiki ahalko ditu, koloretan zein zuri beltzean eta 4 megapixeletako tamaina izan beharko dute.
Sarien banaketa ekitaldia, apirilaren 5ean burutuko da Gurea zinema aretoko erakusketa gelan eta apirilaren 17ra arte, aurkeztutako 100 argazkiekin osatutako erakusketa ikusgai izango da.