"Gaixotasun ikaragarri honek eragiten duen sufrimendua ikusarazteko asmoz", oihal orlegi bat ipini zuten udaletxeko balkoian gaixotasun honen ondorioz sufritzen ari diren pertsonei eta euren senitartekoei eta ahaideei animoa eta itxaropena transmititze aldera. Horrez gain, Gipuzkoako minbiziaren aurkako elkarteak aterki berdez apaindu du Berdura Plazako sabaia eta merkatariek, elkarteak eskatuta, euren merkatalguneak kolore berdineko zapiz eta apaingarriz bete dituzte solidaritatea azaltzeko.
Aurtengo sentsibilizazio kanpaina gaixotasunaren alde emozionalean oinarritu da. Kanpainaren bitartez, minbiziaren aurkako elkarteak gaixoentzako eta euren senitartekoentzako doako zerbitzu psikologikoa eskuragarri dutela gogorarazi nahi izan dute.