Hobekuntzak egingo ditu udalak Arratzaingo futbol zelaian eta kirolegian

Pasa den 2018ko abenduaren 18an, Osatuz Hirigintza birgaitze programaren barnean dauden hainbat erreforma ekimen martxan jartzeko dekretu bana sinatu zituen Maite Izagirre alkateak.

Alde batetik, eta kiroldegiaren aurreko zein alboko hormen hezetasun eta pintada garbiketak egin ondoren, Olaederrako kanpoko frontoia margotzeko lanak esleitu dira. Bertakoa den, Sanz Margoak enpresa da lan horiek egiteko ardura izango duena eta 5.366 euroko kostua izango du. Esleipen honekin, pilota eta frontenisean jokatzeko erabiltzen den eremua balioan jarri nahi da, "momentu honetan, urte gehiegi daramaten pintada askorengatik hondatuta baitago", esan dute udal arduradunek. Hilabete eta erdikoa izango da laster hasiko diren lan hauek egiteko epea.

Bestalde, eta legealdi honetan Billabona K.E. taldeko instalakuntzak modernizatzeko dagoen konpromisoarekin jarraituz, Arratzaingo futbol zelaiko aldagelak berritzeko obrak esleitu dira. Lanbi Eraikuntzak izango da lan hauek egiteko ardura izango duena eta 17.148 euroko kostua izango du. Lan hauek amaitzeko epea lau astekoa izango da eta udaleko tekniko zerbitzuarekin koordinatuz burutuko da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!