Angel Ugarte Txantxangorri pilotaria hil dela jakinarazi du zesta-puntako albisteak jorratzen dituen Jai Alai News-ek. 93 urte zituela hil da.
Ugarte Brasilen jaio zen eta 11 urte zituela iritsi zen Villabonara, eta Berria egunkariak 2017an egindako elkarrizketan esan zuenez, Villabonan egin zen pilotari. Aita zuen billabonatarra eta pilotaria zen, aitona bezala. 17 urterekin egin zen profesional, eta Villabona utzita besteak beste, Miamin, Mexikon eta Habanan ibili zen pilotari.
Azken urteak Arabako Zalduondo herrian eman ditu. Bihar egingo dute hileta, Villabonan, 18:00etan.