Haur eskolako eraikinean berrikuntza lanak egin dira

Amasa-Villabonako Udalak Osatuz Hirigintza programaren barruan jarritako bigarren fasearen barruan burutu ditu lanak.

Seaska haur eskola aurkitzen den eta udalarena den eraikinean berriztapen lanak burutu dira. Horrela, hiri-birsorkuntza programa honen esparruan, eraikineko aurrealdea berriz margotu da, udal arduradunek esan dutenez, "urteen poderioz eta grafitiren bat edo besteren eraginez, fatxada zaharkituta baitzegoen". Osatuz planaren barruan, baita ere, Gaztelekuko hesia kolore bakar batez margotu da, horrekin estetika "hobekuntza nabarmena" lortuz.

Hurrengo asteetan, Osatuz programaren bigarren fasea burututzat emango duten ekintza berriak garatuko dira. Hiri-altzariak eta elementu apaingarriak jarriko direla aurreratu du udalak.

 

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!