Asmoa, lau buruhandi berriak Santio jaietarako prest egotea da eta festekin orokorrean harremana duten lau pertsonaia izatea; "karakterizazio orokorrak, izen eta abizenik gabeak", esan dute kultura saileko arduradunek.
"Horretarako oso baliagarriak zaizkigu amasarren eta billabonatarren iradokizunak; ideiak, argazkiak, bozetoak, pertsonaien deskribapenak…". Horregatik, herritarrek urtarrilaren 18tik otsailaren 18ra bidal ditzakete ekarpenak, buruhandiak@villabona.eus helbidera.
Gero, Villabonako Udaleko kultura sailak egokien iruditzen zaizkion ideiak hartu, eta buruhandien pertsonaiak diseinatuko ditu horiekin. Ekimena aurten ospatzen den Amasa eta Villabonaren arteko anexioaren 400. urteurrenaren barruan kokatzen da.