DJak, formatu txikiko zuzenekoak, saio instrumentalak, kantariak, bertsolariak... izango dira. Abenduko egitaraua eman dute argitara eta lehen bi saioak asteburuan izango dira.
Larunbatean, abenduak 22, 23:30ean DJ saioa, Bassagaineko Selektak, Anoetako hiru neska-mutilen saioa. Reggae, dancehall eta bestelako musikak izango dira entzungai. Igandean, berriz, Ibai Nikolai oiartzuarrak, 19:00etan emanaldia eskainiko du diggeridoo instrumentuarekin. "Musika lasaia eta barruraino sartzen dena", aipatu dute antolatzaileek.