Errebote plazako proiekturako ekarpenak egiteko aukera

Errebote plazako proiekturako ekarpenak egiteko aukera

Abenduaren 1a da ekarpenak egiteko azkeneko eguna, ekarpenak@villabona.eus helbidean.

Pasa den azaroaren 14an ospatutako Herritarren Partaidetza Batzordean, Errebote plazaren birmoldaketa proiektuaren zehaztasunen inguruan eztabaidatu zen. Bilera horretara, batzordera deituta zeuden ordezkari politikoez gain, gizarte, kirol eta ekonomia eragileak agertu ziren. Ohar batean udalak aipatu duenez, "bertan, argi gelditu zen, eremu publiko bakar honen erabilera guztiak erabat bermatuta zeudela, eta gainera, inongo talde politiko zein gizarte eragilek ez zuen proiektua gelditzeko proposamenik egin".

Aipatutako bileran edukitako eztabaidaren koherentziarekin jarraituz, udalak, abenduaren 1era arteko epea ireki du, edozein pertsona edo elkartek lizitatutako proiektuaren inguruko ekarpenak egin ditzan.

Proiektua aberasten lagundu nahiko luketen amasar eta billabonatarrek, beraien ekarpenak aurkezteko aukera izango dute beraien datuekin (izen eta abizenak, NAN zenbakia eta helbidea) identifikatuz eta ekarpena behar bezala justifikatuz.

Proposamenak, ekarpenak@villabona.eus helbidera bideratu beharko dira abenduaren 1eko, 23:59ak arte.

 

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!