Barne Ministerioak jakitera eman duenez, Emilio Salaberria Etxebeste preso billabonatarra Galiziatik Kantabriara gerturatuko dute.
Hainbat hedabidek jakitera eman dutenez, urrian egin zuten Salaberria gerturatzeko proposamena. A Coruñako Teixeiro presondegian dago, eta barne ministerioko iturrien arabera, Kantabriako El Dueso espetxera lekualdatuko dute aurki.
Salaberria 2002ko martxoaren 29an sartu zuten kartzelan, ETArekin lotura zuelakoan 20 urteko kondena ezarrita.
Salaberriaren kasua ez da bakarra. Fernando Alonso Abad ere Pontevedrako A Lama espetxetik Asturiasko kartzelara mugituko dutela jakinarazi dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!