Iritsi dira festen amaierara Amasan. Gaurko egunarekin amaituko dituzte San Martinak. Eguerdian, idien eta astoen arteko dema ikusteko aukera izan da herriko plazan. Bi plazako aldeagatik, baina idiak izan dira garaile. Asto pareak 50 plaza egin ditu 550 kiloko harriarekin eta idi pareak 52 plaza 1530 kiloko harria arrastan hartuta. Demak irauten zuen bitartean, bertsolariak eta trikitilariak aritu dira giroa alaitzen.
Arratsaldean, amasarren arteko herri kirolak egin dituzte, eta datorren urtera arte herriko festak agurtzea besterik ez zaie geratu.