Marka jartzetik gertu izan da Jaume Leiva. 1:00:22an geratu du kronometroa kataluniarrak, eta azken kilometroak jendeari eskertuz egin ditu. Ezagun egin dion lasterketa hau irabaztea ikaragarria izan dela aitortu du Leivak, helmugan.
Iraitz Arrospide billabonatarra bigarren izan da, irabazlearengandik 1:25era (1:01:47). Joan den urtean hirugarren izan zen Arrospide, eta orduko denbora (1:02:39) ia minutu batez hobetzea lortu du. Larrialdi zerbitzuek hartatu behar izan dute, indarrez larri iritsi baita Boulevardera, hala ere, ondo dagoela jakinarazi dute segituan.
«Dena eman dut, eta oso nekatuta iritsi naiz. Erritmo oso bizia izan da. Sekulako sasioa du Jaumek, eta ezin izan diot segi. Bigarren posturako lehian asko sufritu dut. Bukaeran, lortu dudanarekin oso pozik. Hobetzeko lanean jarraituko dut, eta nork daki, irabaztea lortzen dudan ala ez. Hala balitz, nire ibilbideko egunik zoriontsuena izango litzateke», aitortu dio EITBri. Hiru aste barru Valentziako maratoia jokatuko du.
Hirugarren Ivan Fernandez izan da, 1:01:56eko denbora eginda.
Emakumezkoen mailan, Aroa Merino kanariarra izan da txapeldun. Eta hori bakarrik ez, emakumeen errekorra ere puskatu du, 01:09:42 eginda. Diana Martin izan da bigarren, eta Alicia Perez hirugarren.