Amasa-Villabonako Udalak, osoko bilkuran onartutako inbertsio planarekin jarraituko du Amasako pilotalekua eraberritzeko proiektuaren lizitazio prozesua martxan jarriz. Udal gobernuaren esanetan, «aurreko legealdietan aurre egin beharreko erreforma bat da, baina, aurten burutuko da, kargua Udaleko Diruzaintza Orokorraren soberakinaren fondoari eginez».
243.565 euroko (BEZa barne) aurrekontuarekin, udalak birmoldaketa proiektuak teilatuaren erreformari helduko dio, denborarekin alboko hormetan agertzen joan diren arrailak deuseztatu eta konpontzeari, hustubideen kanalizazioaren hobekuntzari, larrialdietako irteeraren erreformari eta mugimendu murriztuko pertsonentzako eta desgaitasun fisiko edo intelektuala duten pertsonentzako irisgarria izango den komuna duen aldagela berritzeari.
Lau hilabeteko iraupena izatea aurreikusten diren birmoldaketa obrek, 2018 urtea amaitu aurretik hasiko dira.