Abenduaren 15ean, larunbata, 22:30ean Villabonako Olaederra kiroldegian izango da emanaldia eta sarrerak aurrez salgai izango dira 10 euroan, Amasa kafetegian edo www.kutxasarrerak.com helbidean.
Pier Paul Berzaitzena da Laida pilota ikuskizuna, eta besteak beste, Oinkari dantza taldeak hartzen du parte. Elixabet Jauregi amasarrak eta Imanol Arabaolaza tolosarrak eraman dute zuzendaritza artistikoa.
Besteak beste, Landarbaso abesbatzak, Joxan Goikoetxeak, Xabier eta Aner Euzkitzek, Magali Zubillagak, Koldo Amestoyk eta Haritz Ezeizak hartzen dute parte emanaldian.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!