Duela astebete abiatu zuten sinadura bilketa, Guztion plaza delako, herritarron parte hartzea eskatzen dugu aldarriarekin. Ostegunean, urriak 25, udaletxeko erregistroan sarrera eman diete 512 sinadurei.
«Oso pozik gaude herritarron erantzunarekin», esan du sinadura bilketa bultzatu duen herritar taldeak. «Espero dugu udalak ulertzea, herritarrak kezkatuta gaudela gai honekin». Urrats hau eman eta gero, udalaren erantzunaren zain geratuko da taldea.
«Lanak berehala hasiko direla entzun dugunez, hamar eguneko epean udaletik erantzun bat izatea gustatuko litzaiguke», esan dute. «Gure eskaerari, udalak erantzun baikor bat emango diolakoan erantzunaren zain geratuko gara».
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!