Arrakastatsua izan da Aizkardi Mendi Elkarteak antolatu duen Eskolarteko XXXI. mendi lehiaketa.
45 ikastetxetako 607 haurrek hartu zuten parte, igandean, Amasa-Villabona inguruko mendietan egin zen mendi martxan. Laguntzaile lanetan aritu ziren gurasoak, berriz, 402 izan ziren. Hortaz, mila mendizale baino gehiago bildu zituen ekitaldiak.
Eguraldia lagun izan zen, gainera. Bi ibilbide izan zituzten, aukeran: 13 kilometrokoa eta 9 kilometrokoa. Mandabieta, Onddolar, Komizar eta Aranerrekatik pasa zen ibilbidea, besteak beste.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!