Batek baino gehiagok begiratu izango dute goizean leihoaren atzetik, bizikleta eta kaskoa hartu aurretik. Zegoen eguraldia ikusita eta iragarpenak entzunda, beste baterako uztea pentsatu dute batzuek, baina izan dira animatu direnak ere. 156 lagunek hartu dute parte Irrintzi Elkarteak estreinakoz antolatutako BTT Martxan.
Errebote Plazatik irten dira 9:00etan, eta 34 kilometro osatu behar izan dituzte lokatz artean. 1.350 metroko bataz besteko malda positiboa zuen ibilbideak. Amaieran, jateko eta edateko postua prestatu dute Elkarteko kideek.