Amasan Txakolin Eguna ospatuko dute bihar arratsaldean. Uxo Toki Elkarteak antolatutako festaren barruan herri kirol desafioa egongo da, herritarren artean. Apustua serio hartzeko modukoa izango da, ohoreaz gain, 1.000 euro egongo baitira jokoan.
Joseba Astiasaran Pasus eta Mikel Arretxe Sandra egongo dira alde batean, bikotea osatuz. Aurrean, Yeray Otaegi Motxe eta Kepa Nazabal Organista izango dituzte.
Bikote bakoitzak erreleboka Arantzabiko buelta egin beharko du, bost aldiz. Ondoren segan hasiko dira, eta irabazlea hor erabakiko da. Kilo gehien biltzen dituenak eramango du desafioa.
Izendapeneko txakolina
Apustua jokatu ondoren, 17:30ean, txakolin botilak zabaltzen hasiko dira, dastaketari hasiera emanaz. Getariko izendapeneko txakolin guztiak dastatzeko aukera jarriko dute Amasan. Sabela hutsik ez ibiltzeko, pintxoak ere egongo dira plazako postuetan. 5 eurotan bi pintxo eta basoa eskuratu ahalko da.
EGITARAUA
IRAILAK 15, LARUNBATA
16:30. Korri-sega apustua Amasarren artean.
17:30. Txakolin dastaketa. 5 eurotan txakolin dastaketa eta bi pintxo.