"Kalitatezko eremu publiko modernoak sortzea" da helburua, eta beraz, herriko festak bukatu bezain laster, abuztuaren hasieran, Larrea auzoan dagoen parkearen berrikuntza lanak hasi zituzten, Behe Nafarroa jolaslekuan.
Eremuaren fisionomia aldatu da jolasteko aparailu berriekin. Montajes Garra S.L. enpresa zizurkildarrari eman zitzaion berrikuntza honen ardura, 25.476,55 euroko aurrekontuarekin, BEZa barne; hortik, 15.000 euro haurrentzako jolasetara bideratu da eta 10.500 euro berrikuntza lanera.
Maite Izagirrek gidatutako gobernu taldearen ideia, "udalerriko haurrentzako parkeak modernizatzen eta hiriko birsorkuntza egiten jarraitzea da".