Monika Roteta, loteria administrazioko 1. zenbakiko arduraduna, "oso pozik" agertu da saria banatu dutelako. "Hori da gure helburu nagusiena, ahal dugun sari gehienak ematea", azaldu du Rotetak.
Atzoko Euromillones jokoan zenbaki saridunak 4, 16, 32, 42 eta 46 izan ziren, eta izarrak 8 eta 12. Inork ez zuen sari nagusia eraman, eta bigarren mailako saria eskuratu zutenak bost izan ziren guztira.
Bigarren aldia da Villabonako loteria administrazioko 1. zenbakiak Euromillones jokoaren kopuru handiko sari bat ematen duela. Aurrekoa 2008an izan zen, eta orduan 75.000 eurokoa izan zen saria. Bestalde, Euromillones jokoaren barruan egiten den Joker sari bat banatu zuen, 100.000 eurokoa, 2014an. Beste zenbait sari garrantzitsu ere banatu ditu. Esaterako, behin eman du Gabonetako Loteriaren lehen saria, 1998an, eta hiru aldiz astero jokatzen den loteriaren lehen saria, azkenekoz 2014ean. Bono Loto jokoan ia 2 milioi euroko saria banatu zuen 2011n, eta La Primitivan 437.000 eurokoa 2000n.