Emakumeen pala txapelketako finala izan da jokatu duten lehen neurketa. Agirre eta Altuna izan dira txapeldun, Gonzalez eta Etxaniz 17an utziz. Hain zuzen, Amaia Agirreren bikoteak min hartu du eta 12 urteko Garazi Altunak jokatu du bere alboan. Meritu izugarria, ezbairik gabe.
Ondoren, gizonezkoen txanda izan da. Beloki eta Eskudero andoaindarrek erraz irabazi dute, Luisa eta Karreraren aurka: 30-12. Hasieratik hartu dute aurrea txapeldunek, eta garaipena bideratu dute, 9-1 jartzeraino. Gero hobeto aritu dira Luisa eta Karrera, baina ezin izan dute askorik gerturatu.
Hirugarren eta azken neurketa eskuz binaka jokatu dute. Apezetxea eta Murgiondo izan dira garaile. Urmeneta eta Urruzola asteasuarrak osatutako bikoteari 22-15 irabazi diete, eta beraz, Pebet Memoriala jokatzeko txartela eskuratu dute.