Ia ordubetean egin dute Aranerrekatik udaletxe atzerainoko ibilbidea. Aranerrekako ibai ertzeetan landare asko izatearen ondorioz uretaratzea kosta bazaie ere, oinez iristea lortu dute.
Ur lasterretan izan dute arazo gehien: Sacem-go zubira iristean, esaterako, bi baltsetako batek alde egin die, eta metro batzuk aurrerago berreskuratu behar izan dute. Gainontzean, uretara jauzi eginez eta ur pistolekin elkarri ura botaz ibili dira. Guztia, umore onean.
Ibai ertzean jende ugari bildu da ikuskizuna gertutik jarraitzeko, eta etengabe animoak ematen eta txaloka aritu dira. Udaletxe atzeko aldapan jende ugari izan dute zain, eta txaloz hartu dituzte 10 txapeldunak.
Ondoren, Gazte barrikotea egingo dute Onddo plazan. Mozorrotuta joango dira, gainera, eta marrazki bizidunak aukeratu dute gai moduan.