Indarkerian sexistaren aurrean instituzioaren erantzun protokoloa onartu dute

Tolosaldeko Ataria 2018ko uzt. 19a, 16:44

Gipuzkoako Foru Aldundiak orain dela hilabete gutxi batzuk aurkeztutako emakumeen kontrako indarkeriaren aurrean erantzun publikoa emateko protokolo instituzionala onartu du Amasa-Villabonako udal gobernuak.

Plan honen helburua, eraso sexistak salatzerako orduan, gizarte agente eta udalak lankidetza fronte bat sortu eta indarkeria matxistaren aztarna duten ekintzen aurkako zilegitasunezko mugimendu kooperatibo baten irudia eskaintzea da. Hau da, emakumeenganako berdintasun eta errespetu soziokultural ereduak sustatuko dituen kooperazio dinamika bat sortzea.

Onartu den protokoloak, homofobia, lesfobia eta transfobia indarkeria kasuak barnean hartzen dituelarik, indarkeria sexistaren aurrean tolerantzia zero duen kultura bat sortzea bilatzen du; erasotzailearen zigorgabetasuna, biktimaren errespetua eta berbiktimizazioa ekidingo dituzten erantzun irmoak hartuz.

Protokoloaren garapenak argi uzten du, beti eta momentu oro, indarkeriaren erantzukizuna eragiten duenarena dela eta ez biktimarena. Aldi berean, akzio plan honek, beste indarkeria agertokietarako erantzun espezifikoak ere aurreikusten ditu, biktimen arretaren arduradunak diren udal sailen sistema koordinatu bat eta Ertzaintza, Osakidetza, mugimendu asoziatibo eta Foru Aldundiko kideen arteko kooperazio orokorrago bat lortuz.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!