Ertzaintzak gaur jakinarazi duenez, ostegunean droga-trafikoa leporatuta pertsona bat atxilotu zuten agenteek Amasa-Villabonako etxe batean.
Ertzaintza otsailetik ari zen Villabonako bizilagun horren jarduerak ikertzen, droga-trafikoa egiten zuelakoan. Ikerketa horien ondorioz atxilotu zuten susmagarria joan den ostegunean Villabonan, eta atzo eguerdian bere etxea miatu zuten epailearen agindua lortu ondoren. Miaketan 98 gramo anfetamina eta mozteko substantzia baten 1.105 gramo aurkitu zituzten.
Atxilotuak 46 urte eta droga-trafikoagatik polizia-aurrekariak ditu, eta atzo eraman zuten epailearen aurrera.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!