Azken urteotan bezala, Villabonako Santio jaietako egitarauaren azala lehiaketa bidez aukeratuko da. Joan den urtean saririk gabe utzi zuten lehiaketa, aurkeztutako lanek "kalitate nahikorik ez" zutela argudiatuta.
16 urtetik gorako herritarrek soilik parte hartu ahal izango dute lehiaketan, eta irabazleak 400 euroko saria jasoko du. Hona hemen oinarriak:
- Lanek originalak izan beharko dute
- Norbaitek originala ez den lanen bat aurkeztuko balu, ezin izango da lehiaketaren hurrengo edizioan aurkeztu.
- Azalaren formatua 21x21 zentrimetrokoa da, eta edozein teknika erabili ahal izango da.
- 'Santio Jaiak - Villabona 2018' testua eraman beharko du.
Lanak Villabonako Udaleko Zuretzat bulegoan aurkeztu beharko dira hilaren 18a baino lehen, 08:00etatik 14:00etara bitarte. Itxita egongo den gutun-azal batean parte-hartzailearen izen-abizenak eta telefonoa jarri beharko dira.