Villabonako Behar Zana elkartekoek pilota jaialdia egin dute arratsaldean eta joko garbi partida bat jokatu dute lehendabizi. Ondoren kirol egokituan aritu dira eta emakumeak, berriz, gomazko pilotarekin palan. Bukatzeko, eskuz binaka, Lizaso eta Urbieta, Otaño eta Esnaolaren aurka aritu dira.
Atzo abiatu zuen pilota elkarteak bere urteurrena ospatzeko egitaraua, txupinazoarekin. Bezperan, pilota solasaldia izan zen, Jon Eskuderok gidatuta Gurea antzokian.
Atzo, bola tiraldia eta sagardo dastaketarekin batera, buruhandi eta erraldoiak atera ziren kalera Geronimo dultzaina taldeak lagunduta. Gaur pilota eskolako haurrek bazkaria izan dute elkartean, eta gauean, bazkide guztiak bilduko dira afaritarako. Gauean Behar Zana elkartearen danborrada aterako da kalez kale.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
