Billabona FKE-k antolatuta, IV. Manu Murielen Oroimenezko Txapelketa jokoan da gaur egun guztian zehar. Eguerdian, Billabonakoek gogoan izan dute Manu Muriel, Arratzainen bertan dagoen oroigarrian lore eskaintza eginez.
12 talde ari dira parte hartzen lehen urteko alebin mailako futbol lehiaketan. Billabonako hiru talde daude. Besteak ondorengoak dira: Danena, Euskalduna, Vasconia, Tolosa CF, Orioko, Urnieta, Intxurre, Ostadar eta Mundarro.
16:00etatik 19:00etara kanporaketak jokatuko dira, eta ondoren, finala. Azkenik, 19:45ean, sari banaketa ekitaldia egingo dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!