Maiatzaren 6an, igandean, Eresargi abesbatzak berak zabalduko du zikloa, Juan Mari Iparragirreren zuzendaritzapean. Maiatzaren 13an, Donostiako Easo Musika Eskolako Araoz gaztetxoen abesbatza entzutetsua izango da, eta hilaren 20an, Javier Busto zuzendari ospetsuak zuzentzen duen Aquam Lauda abesbatza irundarrak abestuko du, erdi aroko musikatik hasita garaikidera arte, obra sakratu nahiz profanoak interpretatuz. Kontzertu hauek guztiak doakoak izango dira.
Zikloari amaiera emateko, umorea izango da nagusi. Golden Apple Quartet talde ezagunaren emanaldia izango da maiatzaren 27an. “Golden Gran Selección” ikuskizuna eskainiko du laute ezagunak. Azken kontzertu honetako salneurria 7 eurokoa da.
Mertxe Garmendia kulturako zinegotziak dioenez: “programazioa geroz eta finkatuagoa da urtetik urtera, eta udaletxeak, Eresargi Abesbatzaren ekimen zoragarri hau sustatzen jarraituko du. Amasa-Villabonako abesbatzen txapelketa hau, eskualde mailan bakarrik ez, Gipuzkoa mailan erreferente bilakatzea du helburu”.