Villabonako Behar Zana taldean palaz ari diren emakumeek jokatu dute gaurko norgehiagoka. Hiru bikote aritu dira, bakoitza botilero bezala bertsolari bana zutela. Karrera gaztea Kristina Ezkurdia eta Nahikari Iturbe bikoaren bertso-botilero izan da; Oihana Iguaran amasarrak, Beatriz Unzue eta Amaia Azkue aholkatu ditu bertsotan; Eta hirugarren bikotea Amaia Agirrek eta Irati Iturbek osatu dute, kasu honetan, Agirrek lan bikoitza izan du, palaz kiniela irabazten saiatzeaz gainera bertsotan ere egin behar izan baitu.
Lan doblea izanagatik, hain justu, Amaia Agirre eta Irati Iturbek osatutako bikoteak irabazi du lehia. Kinieletara jokatu dute partida eta Agirre-Iturbe bikoteak aurrea aisa hartu duela ikusita Karrerak partida 25 tantora luzatzea proposatu du bertsotan. Hala ere, ez dute zailtasunik izan 25. tantora iristeko.
Jendea gerturatu da gaur Bertso Pilota ekimena ikustera eta ikuskizun "polita" atera da antolatzaileen esanetan.