Ostegunean 'La Traviata' opera ikusteko aukera Gurea aretoan

Tolosaldeko Ataria 2018ko api. 23a, 13:02

Operaren zikloko ikuskizun berria, apirilaren 26an, ostegunean izango da. Amasa-Villabonako udaleko kultura sailak programatu du Opera en pantalla programaren barruan.

Kasu honetan, musika eta antzerkia gustuko dutenek, La Traviata, 3 aktotan banatuta dagoen opera erromantikoa, Giuseppe Verdi konposatzaile italiarraren maisulanaz gozatzeko aukera izango dute.

Alejandro Dumasen La dama de las camelias liburuan oinarritzen da eta XIX. mendeko Frantzia hipokrita eta matxistan girotzen da. Bertan, Violetta Valéry prostitutaren azken egunak kontatzen dira. Protagonistak bere bizitza desberdina izan daitekeela amesten du, baina azkenean, garai hartako moral nagusiak menderatzen du.

Proposamen original hau Gurea zinean ikusteko aukera izango da, Sidneyko (Australia) badiako ispiluz betetako eta flotagarria den oholtza berdingabea izango ditu.

Ikuskizunaren ondoren, lunch bat antolatu da bertaratzen den pertsona guztientzako.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!